يازززززين انا ونتي؟؟؟

[البتار]

يازين يوم اني انا وانتـي صغار
توما لبست شماغ وانتي عبــايه..

بالطول مانـــاصل ولا خمسة اشبار
دايم نقـــيس اطوالنا بالمرايــه..

مابيننـــا شيـــن نخبيــه واســـرار
ماغير لعب اطفال كل الحكايــه..

ماهمنا موجز ولا نشرة اخبــــار
التسليه صارت وسيله وغايــه..

وان جا فلم كرتون للقطو والفار
نجلس نتابع قصتــه للنهايـــه..

بالمدرسه نزعل على شان الاصفار
انتي سبب لعبك وانا من غبايـه..

ياما تهاوشنا على كيس فوشــار
انحاش به وافرح بطردك ورايه..

وان قلتي يافلان ياويلك من النار
اخاف واستسلم وابين خطايـــه..

والى ضربتيني تقــل بيننــا ثــار
وان قلت كافي قلتي ماهو كفايه..

والى خلصتي ضرب بيمين ويسار
اخذتي الفيشار واللـي معايــه..

والى زعلت وقلت ابا اروح للدار
صحتي وقلتي اسفه يا غلايه..

واصدقك وافرح بعد ذيك الاعذار
واجيك لا حاقد ولا احمل وشايه..

ولو اشوفك مع بشر غيري اغار
ولو كان اخوي أو من أعز اصدقايه..

واركض لخوك اقول شفها مع اكبار
عشان يفرض لي عليك الوصايه..

هــــذي طفولتـنا براءه وتذكـــار
دايم نحن اليا ذكرنا البدايــــه..

واليوم ابا اكتبها سواليف واشعار
وافكر انتجها بفـــلم وروايـــه..

خــآإلــ ودي ــص ..!

[هتون الغيم]

أحنـي راسي تقديرا وإحتراما لك ولمشاعرك
أخوي .. أبدعت بتصويرك ,,,, لبراءة الطفوله جداً

الله يحفظك لأهلك ولناسك يا رب

[دنــدونــ]

تابع نثر ابداعاتكـ أخوي البتار وفقك الله

تحياتي لكــ ...

[البتار]

شكرا ياحلا علي الأطراء الجميل ويعطيك العافية

[توربورا]

نقل رائع يالبتار واختيار متميز............................

[البتار]

شكرا تورا ودندون علي الاطراء وتقديري لكما

[حلم]

نقل رائع اخوي،، وإختيار موفق
دمت بسلام

[الجـــــوووري]

http://www.w7m.org/2008/Jan/1212196596.gif (http://www.alriyadh1.com)

[هادي الطبائع]

صح لسانك يا غالي
http://www.up75.com/UpLoadImages/2008/05/30/21/0-LIKIDF45-03-28.gif (http://www.up75.com/UpLoadImages/2008/05/30/21/0-LIKIDF45-03-28.gif)

[البتار]

اشكركم جمعيا على المرور ........ولكم منى كل الحب