المساعد الشخصي الرقمي

مشاهدة النسخة كاملة : خاطره أبكت 500 طفل **صرخة يتيم**

محطة الناصرية
22-05-08, 09:03 PM
السلام عليكم ورحمة الله وبركاته



إماراتية لم تكمل عامها التاسع فقدت كل فرحة وكل أمل مع فقدانها والدها
في حادث مروري

عندما ألقت هذه الخاطرة في مهرجان أبكت 500 طفل معها

************

يايبـه ... عمري ... حبيبي
لا تأخر
أبي ترجع قبل ماأنام
أبي اتلحف حنانك في
تصبحين بخير مع بوسة على خدي ...... يبـــه وانام
وقبل ماانسى يبـــه اســـــــــمع
ابي دفتر رسم أحمر
وابي أقلام للتلوين
وابي فستان .... مثل لون الشموس أصفر
وابيك انت تلبسني
تحمل يبه أرجوك
تمهل يبه أرجوك
شوي ... شوي ..يبه وينك ؟
تعبت أنتظر
تعبت اتخيل ايدينك
يبه وينك ؟
تعبت أسأل زوايا البيت
تعبت أسئل ثوبك المكوي
تعبت اشم عطرك
واحضن غيابك
تعبت أكذب على دمعي
وارتب عيني وثيابك
يبـــه وينك ؟
ألف الدار واتذكر
هنا يمشي .....
هنا يجلس ....
هنا يضحك ....
يبه وينك ؟
ويقطع حزن هالأفكار
باب الدار
واصيح بصوت واتحشرج ..... منو بالباب ...منو اللي دق هذا الباب
أنا ماابي لعب .....و أقلام
انا مابي هدايا
انا مابي اشوف اصحاب
يبـــه وينك ؟
يبه يرضيك حالي الحين
كرهت المدرسة والدرس
ولا حد فيني حس
تذكرني بغيابك شهادتي ... ومعلمتي ... وباب المدرسة
والدرس ... اصحابي وعلاماتي
يبــه وينك ؟
كلامي يبه حارق كلامي مر
وأنا أقرا في الدفاتر هنا
(يوقع ولي الأمر )
مين لي فرحتي تتكحل بعينه
وضحكاته
يبــه ... وينك ؟
نجحت وتختنق فرحة وسط صدري
تجيني الناس وتبارك
وهذا الحزن بي حارث
ولاتدري أني يتيمة
والسبب
حادث
************

بصراحه أنا بعد ماقرأتها إرتفع عدد الباكين وأصبح 501

الله يخلي كل واحد لأولاده ولا يحرمهم منه يااااارب

وياليت كل أب يفكر قبل مايسرع إن حياته متوقف عليها حياة وسعادة أطفاله وكل اللي يحبوه

وتقبلوا تحياتي
الزهراني
24-05-08, 12:22 AM
مشكور على الموضوع

وعساك على القوة


وفالك التوفيق
ابو رامـا
26-05-08, 01:26 PM
اشكرك يالناصريه والموضوع مكررر
دنــدونــ
26-05-08, 02:59 PM
موضوع حلوووو مشكور يالناصرية ..
بنت أبوها
07-06-08, 11:10 AM
موضوع جميل يعطيك العافيه
قاهرغرورك
17-06-08, 02:53 AM
يعطيك العفيه وعساك عالقوه
عاصم
22-06-08, 09:43 PM
مشكوووووووووووووووووووووووووووووووووووووووووور
الجـــــوووري
02-09-08, 02:05 AM
ما اجملها كلمات

واعـذبها الحـان

رائعه كلماتك

متميـزه حـروفك

جمـيلـه انفامها

كل الشكر والتقدير

لما جدت به وقلمك

ودام نـزف قلمك الرائع

ودوما فى انتظـار

كل ماهـو جـديـد لك
هتون الغيم
02-09-08, 02:11 AM
وقفت مندهشة

تلعثمت الكلمات

لم اجد من العبرات ما يصف بوحك

سأقف عند حدود كلماتك وسأرحل

دمت متألقاً

سلمت اناملك

تقبل خالص تحياتي