المساعد الشخصي الرقمي

مشاهدة النسخة كاملة : ::: الحب عن طريق الكيبورد :::

الســ magician ـاحر
16-02-09, 09:24 PM
ضغطة الكيبورد صارت عاطفيه ....
توصل المخلوق ويحب بسببها

صدق مايضحك سوى شر البليه ....
المشاعر جالها النت وخربها

لاورب الكون مابه قــــــــابليه ....
بعد خــــــــلن لذة منامي غلبها

اعرفه من قبل عصر الجاهليه ....
قبل عصر النت والثوره ونشبها

لـــــه بقلبي شوق كبر الفيصليه ....
وله بقلبي حب فاق جمال ابها

اسمعي انتي وذيك وذي وذيه ....
قــــــــلبي ابوابه بعد خــــله قضبها

ضغطة الكيبورد ماهي لك وليه ....
انشبتنا واحـــــــرجتنا من عقبها

لـــــــــعنبو من بدل النيه بنيه ....
ولعنبو من ذاق مالخمر وشربها

ولعنبو واحد بيغدر في خويه ....
ولعنبو من خان جارته وقربها

ولعنبو من بدل الحسنه بسيه ....
ولعنبو من نال من امه غضبها

يمكن اني صرت متهور شويه ....
يمكن تقولون ذالشاعر خربها

بس ذكرت ايام ليلى العامريه ....
حب قيس وكيف جاهد في طلبها

عمر ضغطة زر ماكانت قضيه ....
القضيه كيف نعشق من سببها


الســ magician ـاحر
عماد عباس
08-03-09, 10:02 PM
مبدع

عمر ضغطة زر ما كانت قضية
القضية كيف نعشق من سببها

صح لسانك مليون خوي الساحر ولا يكفون
ويعطيك العافية
الســ magician ـاحر
08-03-09, 11:05 PM
اقتباس:
المشاركة الأصلية كتبت بواسطة عماد عباس http://bnesar.com/vb/bnesar2/buttons/viewpost.gif (http://bnesar.com/vb/showthread.php?p=212051#post212051)
مبدع

عمر ضغطة زر ما كانت قضية
القضية كيف نعشق من سببها

صح لسانك مليون خوي الساحر ولا يكفون
ويعطيك العافية



صح بدنك ولآهنت يالغالي على مرورك الجميل
أخوك:
الســ magician ـاحر
الجـــــوووري
29-03-09, 07:06 PM
الســـــــــــــاحر
إنسان يتوشـح الشعر .. ليشرق الشعـر
من الأعلى ..
أبيااااااات أكثر من راااااائعة
صح لسانك و دام تألقك ..