صباحك ( توت ) لا ( ياقوت ) !!؟ هذيان الصبآآآح

[حلم]

يسعد صبــاحك عاد ..! وشوله النوم ؟
ــــ النوم .. ماهو للحبايب .......... / ياخلي !

شفني على جال السهر احصد نجوم !!!
ــــ وارقب صبح خدك .. علينا .../ يهلي ..!

الغيم جاك ..يصافحك.. يالغضي قوم !!
ــــ سلم ّ عليه وقول ....... / خلّك .. محلي !!



صباح !


كنت اسولف للصباح العذب .. عنها ..
واحتريها ..
كنت اقول ..
(( الله لو ألمس يديها )) ..
إيه .. ابيها ..
ترسم الإحساس في صمت العيون ..
ولو أخون ..!
تغفر وتسمح
(( ياويلي عليها )) ..
كانت أشهي من رحيق !
كانت ابهى .. من بريق !
كانت الحلم / الأغاني .. كانت العمر / الصديق ..
وعايش ٍ منها ... وفيها .!




ياصباحي .. وش بلاك !؟
قول ..
وش عنّي خذاك ..!؟
آآآه منك ياصباحي ..
أنت مثلي .. تحتريها ..!!؟




صباح من نوع ( فاخر ) !



صباحك خير
صباحك غير
صباح الدفتر الوردي ..
صباح الحلم ..
صباح النور ..
../ صباح الجامعة والسور !
صباحك آآآآآه مايمدي !
أنا وحدي !
أتمتم ... نوووور !
صباحك نور ..
صباحك غير .. / صباحك خير ..
صباح النور .. والنوير ..!
صباحك .. دقّت الساعة ..
ألم .. ساعة
وجع .. ساعة
تعب .. ساعة
صباحك : قمـّة اوجاعة !
صباح الضحكة لاطارت !
وماصارت !
صباح البسمة لامسّت نسيم الصبح !
واحتارت ..!
صباح احلى .. خطاويها ..
أمانيها ..
صباحي يومي .. أناديها ..
صباحي غير .. بشعورك ..
صباحي ( دج ّ ) ! في نورك ..
صباحي مات ( بالشيلة ) !
وياويلة ..
إلا من .. شاف ( تايورك ) !!
صباح ( الحر ّ ) و ( الزحمة ) !
صباح ..
وأطلب الرحمة !
صباحك أنفاسك العذبة ..
وزينك ( شحمة ) و ( لحمة ) !
صباح ( اريال )
صباح ( اعيال )
صباح الهولو واليامال ..!
صباح ( اشلونك )..
و ( كيفك ) ..
صباح ..( اعقالي الميّال ) !
صباح الشارع الفاضي ..
وانا مستقبلي / ماضي ..
صباح الثرثرة هذي ..
و(عطرك ) .. ياآخر امراضي !
صباحك ( توت ) لا ( ياقوت ) ..
صباح ( الموت ) بعيونك ..
و(صبحك بالعيون ) .. الموووت ..
صباحك / غير !
صباحك / خير !



صباح النور .. / والبللور .. / والمرمر ..
.... صباح الخير .. / والنويّر ... / والكادي ..!

أنا اللي ميّل اعقاله ......./ ولد شمر .. !
.... عرفني الصبح .. من لحني ../ وإنشادي ..!



واغنـــي بـك / سحـــاب ابيض !!
تطيح من السمــا ..
غيمــــة !
واجـي لــك منتــشي كــلي !
أســوي لحضرتــــك !
قيمــــة !
وانوّرس لك .. فضاءاتي ..
ولابـك للأسف !
شيمـــة .
.



أنتي الأمــان بروعته .. والتباشير ..
ــــ وانتي الحنــان .. بلذته ... واحتــدامه ..


يالله تعالي جف ّ في روحي البير !!
ــــ وشلون ليلي ... لارحلتي .. / أنـااامه ..!؟


ماني معيّن من ورى غيبتك .. خير !
ـــــ لاغاب صوتك .. أسأل الله .. السلامه !





يالحزين ..
لملم اوجاعك ..
كفا قلبك ... حنين ..
اتركوك ..
وهملوك ..
والتعب .. شوفة عيونك !
من يسارك .. واليمين ..
كنت تشعل هالاصابع ..
شمعه .. شمعه ..!
كنت .. وتكابر إذا صبيت ..
دمعه ..!
ياخي استح !!
قلت لك خل الهوى لاهل الهوى ..
بس قوم .. وارتح ..!!
ولاطرق داعي الهوى بابك ..
ولاأبغاك .. تفتح ..!
منت ناقصني .. أنيييييين !


صباحك همس ياأصدق نوايا... رحلة الأحساس ..
ــــ صباحك شمس .. لاداعب هدبهـــااا / قمـــّة احساسي ..

عشانك شوف ! أتكاثر ! خطايا .. والجروح انفاس ..
ــــ ياليتك بس لو تدري .. وش اللي .. يخنق أنفااااسي ..

أشوفك وين .. وين الله يهديك .. وصرت لي هالناس !
ــــ تخيّل عاد ! .. لو تبعد شسوي .. أصصص ياقاسي !!


الشاعر /بركات الشمري

[نـادر الـوجـــود]

هلاااا بك اخوي حـلم

اخـتيارك جدآ راااائــع وكلمات رائعـه


وبما انك من الـناس اللي يتابعـون مواضيعـهم ما يهملونها

ابرد عـليك ..


كنت اقول ..
(( الله لو ألمس يديها )) ..
إيه .. ابيها ..
ترسم الإحساس في صمت العيون ..
ولو أخون ..!
تغفر وتسمـح

لـو تقول ..
(( والله ما تمسك يديها ))..
إن .. لجـيها ..
ثم اجـيها واشرب الـما مالعـيون ..
لجـل امـون ..!
بس تـسمح ..




تحياتي لك ..

[الجـــــوووري]

يسلمووووووو

[حلم]

هلا اخوي نادر الوجود
شاكر مرورك يالغلا وتعليقك

جوري الله يسلمك
مشكوره

..: تحياتي :..

[انصاف حلول]

تسلم انااملكــ ....اخوي حلم ...اكتر من ابدااااع

صباااااحك قشطه........

تحياتي لكـ

[حلم]

هلا فيك اخوي انصاف حلول
صباحك دغابيس :p
..: تحياتي :..

[قاهرغرورك]

يعطيك العافيه اخي حلم واشكررررررنقلك الجميل

[حلم]

هلا ابو لارا
الجميل هو مرورك وتعليقك
..:: تحياتي ::..

[انثى من نور]

رائع فالقصيده لامست ماأكنه من مشاعر..لو علم بركات أنك أنتقيت حرفه ليضي في صرحنا هذا
لوقف شاكراً لك..


وأعلم أخي أنك وجهة شغفي للشعر نحو قصائد الشاعر الذي لم أعلم عنه إلا منك..دمت متألقاً

[حلم]

اشكر مرورك يالغلا وإطرائك:)

..:: تحياتي ::..