الزمن لاصار ضدك العنه والف لعنه

[المخزومي]

.الزمن لاصار ضدك واحتوى درب المصايب ..

لا تحاول( تنكسرله) لا تزيـد الطيـن طينـه..

للزمن حكمه غريبه تحكم بـدرب الصعايـب ..

وياكثر من ضيع الفرصه وهي فرصه ثمينـه..

عز نفسك في زمانك لا تقول الحـظ خايـب ..

وسق عمرك للمعالي و أكسر النفس الحزينـه..

والطريق اللي تشوفه يرسـم للدنيـا عجايـب..

مد يدك في طريقه ليـن مـا تمسـك يمينـه ..

والرفيق أن طال وقته لا تحاتي وكـل غايـب..

حجته دايـم معـاه ولا تقـول فـلان وينـه ..

ولا تكابر بالمصيبه لا حكوا بأغلـى الحبايـب..

قول غالي وكل غالـي تكـرم لعينـه مدينـه ..

والبلا و أكبر مصيبـه لا تناسـوك الحبايـب ..

وتصبح الدنيا ظلام وتصبـح اللحظـه لعينـه..

وقتها لا عـاد ينفـع لا عتـاب ولا طلايـب..

والزمن والحظ الاقشـر ألعنـه وألعـن سنينـه

م.ن

[سامي،،،]

روعة اخ احمد مشكوووووووووووووووووووور

[نـادر الـوجـــود]

.الزمن لاصار ضدك واحتوى درب المصايب ..

لا تحاول( تنكسرله) لا تزيـد الطيـن طينـه..


بيت من اجمل الابيات جمع في محتواهـ كلمات من ذهب

الزمن والضد والاحتواء والدروب والمصايب
والمحاوله والانكسار والمزايدهـ والطين !!!


يكفيني هذا البيت عن قصيدهـ كامله بــ20 بيت


يعطيك العافيه اخوي المخزومي

ولا تبخل علينا بذوقك وانتقائك الفريد

تحياتي لك ..

[المخزومي]

مشكورين عالمرور الرايع
والله لايهينكم

[قاهرغرورك]

اشكر نقلك الجميل اخي المخزومي واتمنى لك التوفيق