نصاب وقوي عين,,

[الهـــوى الغايـــب]

هاذي حادثة قصة حكاية فسروها بما شئتم حدثت مع ابن خالتي...الحكااااااية::

جاء واحد من نفس قرية ولد الخالة عنده هو ومجموعة من الاشخاص الموجودين معاه المهم وقال لهم من يبيني اشغل له فلوسه في الاسهم ويطلع ذهب((بالفعل ذهب))؟

قالوا كيف؟ قال عندي واحد أعرفة شغلتة الاسهم ومحترف في سوق الاسهم بالعربي
((هامور أسهم)) المهم لعب بعقولهم لعب الين أقنعهم وأعطوه الفلوس ولد الخاله مسكين

أعطاهم مائة ألف ريال واللي معاة اللي أعطاه مائتين الف وإلى آخر الحسبة..
وأخذ الفلوس وراح يشغلها على كلامة ومرت الايام والاسابيع والشهور والسنين وهو يشغلها ويكلمون الرجال وين المكسب وين الدراهم ولابد للنصاب أن يجهز أعذاره المهم مرة يقول السوق طايح ومرة يقول خسرت ومرة ومرة....

وبعد أربع سنوات يأتي الخبر الصاعقة....؟؟؟



حبيبنا اشترى فلة في الريااااااااااااااض..(شوف قوة العين)ولا فصل من الوظيفة بعد..طبعا" من فلوس المغلوب على أمرهم...الله يعينهم...

المهم كلمة ولد خالتي وحب يستفسر هل الموضوع صدق..

ألو كبف حالك..

الحبيب: والله بخير.

مبروك البيت..

الحبيب::الله يبارك فيك.

المهم من هنا وهنا

قال له ولد خالتي من فلوسنا يانصاب..

قال لا والله البيت ماهو لي بيت عمي..

طيب قبل شوي تقول أنة لك والله يبارك فيك..والحين صار لعمك..

المهم هدده ولد الخالة وقال له الفلوس تجي يانصاب وصكر بوجة النصاب

والاشخاص المضحوك عليهم بنفس الكلام والانطباع


.................................................. ..........................................


السؤال المطروح..

ماهو وجهة نظركم من هذا النصاااااااااااب وقوي العين؟

ومن المغفلين ولد خالتي واللي معة مع ملاحظة عندهم مستندات على كل شي...

وكيف ياخذ حقة؟؟؟

.........أرجو التفاعل وإبداء الرأي........

والله السالف صارت مع ولد حالتي.....والله أعلم

[العمدة]

هذه اللثقة المفرطة نعطيها لاشخاص لم نتعامل معهم من قبل ولم نعرفهم ونضع بين ايدهم اموالنا التي تعبنا ونحن نجمعها بعرقنا .....المواطن السعودي عموما عاطفي وطيب( وفاغر) في نفس الوقت اي شخص يضحك عليه واذهب الى اي دولة عربية تجد المواطن السعودي صيد سهل وثمين في نفس الوقت.


المهم لن اقول لابن خالتك القانون لا يحمي المغفلين ولكن اقول له بان لا يستسلم لاخذ حقة وحق الاخرين .....الا ان كان قد اخذها بدون شهود ولا ااوراق تثبت فما عليه الا التوجه الى اقرب مسجد والدعاء فقط.

نصيحة لابن خالتك وابن خالتي وجميع من نعرف بان لا يكونون صيد سهل وننسى سالفة ان الارض تبيض ذهبا وحكاية وخرافة البورصة العالمية التي ذهب ضحيتها من ذهب من بطاقات سواء وغيرها ,, واتى بعدها طوفان الاسهم واخذت ما اخذت من فلوس ما تبقى من يد ذلك المسكين المغلوب على امره .وان يعتمدو على انفسهم او يضعوها في قنوات استثمارية معروفة وان طالت المدة.

نصيحة اخيرة لمحبي الكسب السريع اعلم انه لا يوجد في العالم اي استثمار سريع ابدا الا في صالات القمار والمخدرات فقط وان لا ينجرف وراء اي دعاية كاذبه او شخص يدعي بان يضاعف من راس ماله في وقت قياسي.[/COLOR][/COLOR][/FONT][/SIZE]

[لازوردي]

الحركه اللي سوّها قريب ولد خالتك بمفهومه هو <<< صقاره !!
يعني؟؟
الواحد لازم يسبّع نفسه.. والبقاء للأقوى <<< يعني صايرين في غابه !!
هذا شيء طبيعي جداً .. وولد خالتك يستاهل أكيد .. عشان مايحط ثقته بأي شخص حتى لو كان اخوه او ولده ..
والنصاب الحرامي وكأني عرفته!! الله ماراح يبارك له ببيته وحلاله .. ولو عنده اوراق رسميّه ليش يتظلّم لك ويتشكّى ؟؟ خلّه يروح يطالبه ويشكيه .. شنو هي السالفه إستلطاخ ؟؟
وقولّه <<< اللي مايستحي منك لاتستحي منه.
مو معناتها انّه من أقرباه راح يكون مضطّر يسكت .. ترى في داخله راح يقول مغفلين ضحكت عليهم وبلهجتنا احنا راح يقول " هذولا بهايم " ... اسمح لي .

[الهـــوى الغايـــب]

الله يعطيك ألف عااااااااااااافية على الرد الوافي والشافي ولكن ولد خالتي اللي أقنعة أخوة وراحت فلوسة وفلوس أخوة وهو ماراح يسكت لان عنده سند والله يجيب خير............

,,,,,,,,,,,,وألف شكر للطرح الجميل.........

[نـادر الـوجـــود]

يالهوى الغـايب ولد اختك عـقله غـايب

مساك الله بالخير اخوي الغـايب

الحين بالله عليك لما نجي نعـطي فلوسنا واحد من باب ثقه
لا وثايق ولا كمبيالات ولا تحويل بنكي يثبت ولا شيك !!!

وش تسميها .؟؟

اسمها عـطوهـ ( عـطيته ) يعـني شبه الهديه بها تجي وبها لا
ليش لما يآكلها والا يصرفها والا يضيعـها نجي نقول وينها ؟؟

لا تسأل عـنها طالما انك غـامرت واعـطيته بدون ثبوتيات
مجرد وعـوووود وخزعـبلات واغـراءات وكلام فاضي

وانا لو بدال ولد خالتك .؟
صدقني انسى الفلوس ولا اسأله عـنها لأن القانون لا يحمي مغـفلين
( مع احترامي له ) لكن الحق يقال ...

ولوا جاهـ واحد ثاني وقال عطني 100.000 اعوض فيها اللي راح عليك
في مدهـ اقصاها شهرين ليقول ( تم )

طالما ان الحرامي لقي سهوله للسرقه وابواب مفتوحه
ليه نروح نشتكيه ونقول سرق وسرق

طيب انت ليش تخلي بيتك مفتوح .؟؟؟
ههههههههههه


الصورهـ واضحه
والاخوان والاخوات سبقوني بالرد وما قصروا
كلامهم جميل وواضح

واللي يمد ايدهـ تحت الساطور يتحمل ما يجيه ;)


تحياتي لك ...

[الهـــوى الغايـــب]

شكرا" شكرا" يانادر ورائيك في محلة ولكن فية مستندات في شهود..........

ألف شكر لمرورك وشرفت موضوعي.......

[نـادر الـوجـــود]

شكرا" شكرا" يانادر ورائيك في محلة ولكن فية مستندات في شهود..........

ألف شكر لمرورك وشرفت موضوعي.......

العـفووووووووو

زدتني شوووووق :rolleyes:

اجل وش ينتظر ما دام عـندهـ مستندات وشهود ..؟؟

ينظرهـ يعـمر فله ثانيه .؟
والا يشتري ابراج المملكه .؟؟


يمكن يستحي يشتكيه .. صح .؟؟


يا بخت من يطيح في ايدهـ ..

بلغـه سلاااامي وقول نادر الوجود من منتديات بني سار
عـندهـ مشروع عـقاري خارج المملكه والربح مضمون 85%
خلال اربع شهور يستلمها
ويكتب الاثباتات اللي يبيها ويجيب 10 شهود
مبلغ لا يقل عن 100.000 ولو ما عندهـ بنخفضها 50
ولو ما عندهـ بنخفضها 20 بس اقل من هيك .. لا

وانا وهو على الله

إذا طلع فلوسه من عند صاحبه الاول يجي يطلعـها من عندي :D

[الهـــوى الغايـــب]

تعوذ من أبليس لايكونك من أياهم؟؟؟

[نـادر الـوجـــود]

تعوذ من أبليس لايكونك من أياهم؟؟؟

ان كان الناس كلهم مثل ولد خالتك .!!!

عـز الله كلنا بنصير واياهم فلوس جايه بلاش ولا حد يسأل عنها

[لازوردي]

الهوى الغايب<<<<<عرّفني عليه واعطيك نص المبلغ ..خخخخخخخ

[الهـــوى الغايـــب]

على من بالازاوردي.........

[دودي]

ياهوى ياغايب

[الهـــوى الغايـــب]

عيون الهوى الغايب وشبغيت دودي؟؟؟؟

[ريم الجنوب]

وش يبغى دودي ؟؟؟؟؟
هههههههههههههههه والله شيء يضحّك
ههههه.