دخيلك جامل الدمعه !! ترا مهما أكون أنسـان

[صمت البحر]

تريّث ياصدى صوتي وخفف نبـرة الأحـزان
تعلّم من نزيف الجرح كيف اصبر على همـي

أنادي والسما غيمـة تثـور بداخلـي بركـان
ودفتر من قصيد الأمس على جال البحر مرمي

سكنتك بيت ياكبره وشكلّـت بسمـاك ألـوان
شربتك كاس بيديني وأثاري الكـاس منسمـي

دخيلك جامل الدمعه !! ترا مهما أكون أنسـان
مشاعر قلـب تحكينـي وأزود حبرهـا دمـي

كرهت البيت بغيابك ! كرهت الباب والجـدران
ليامن شفت لك صورة تنسينـي حنـان أمـي

أبرحل وأترك الماضي وأجدد حاضر العنـوان
ابجمع من شتاتي قلب واسافر في بحر غمـي

تصور لو نساني الكون وصرت بعالم الحرمان
أناديلك .. واصوّت لك .. ولاحتى تلـدْ يمـي

أمانه لو جعلتني مسافر في سمـا النسيـان
أمانه جاوب صوتي لجـل مايحتـرق دمـي

ابي لو ساعه من وقتك . أنا ماقلت أبيك ازمان
أبيك العاشق المغـرم علـى قلبـي ومهتمـي

أبيك تعيشني قصة ! بطل خاين وأنا الخـوان
أبي كل البشر تحكي وتتسابـق علـى ذمـي

على هونك ظلام الليل!! أشوف الليل ماقد حان
علامك تلوي ذراعي !! تبعثر فينـي وتلمـي

حرام تشوف دمعاتي وتنسى أني بقايا أنسـان
أحاول اجمع شتاتي وعجزت اليوم فـي لمـي

حبيبي لو تبيني ابعد واعانق دفتـر الكتمـان
تعال احضر عزا قلبي مادام الشـوف منعمـي

تصور مابقا فيني سوى باقـي رمـد بركـان
ودفتر من قصيد الأمس على جال البحر مرمي

[ابو رامـا]

قصيده في قمة الجمال والشاعريه

بس ياليتك كتبت اسم كاتبها ياغالي
حفاظا على حقوق النشر الادبية

لك الشكر على نقلك المميز

[هتون الغيم]

صح لسان شاعرها وتسلم يد ناقلها


لاتحرمنا من ابداعك

[الهـــوى الغايـــب]

حبيبي لو تبيني ابعد واعانق دفتـر الكتمـان
تعال احضر عزا قلبي مادام الشـوف منعمـي

تصور مابقا فيني سوى باقـي رمـد بركـان
ودفتر من قصيد الأمس على جال البحر مرمي
الله الله عليك.....سواء لك أو ناقلها..أنت مبدع وربي يوفقك

[الجـــــوووري]

كلمات شفافة رقيقة ورائعة,,,,

نبض من الأحساس المرهف ,,,,,

مسطر هنا على هيئة حروف ومعاني جذابة ,,,,,


اشكرك على مانسجته من ابداع
لك أعذب تحيةو دمت بــــود,,,,

[هتون الغيم]

وقفت مندهشة

تلعثمت الكلمات

لم اجد من العبرات ما يصف بوحك

سأقف عند حدود كلماتك وسأرحل

دمت متألقاً

سلمت اناملك

تقبل خالص تحياتي