البريد السعودي

[ابو يارا]

منقوووووول من لحد المنتديااات.......................


اليوم رحت كعادتي كل سبت اشيك على صندوقي البريدي بالبريد السعودي
وكنت مبسوووط جداً من التطور الي حاصل بالبريد السعودي
مع انهم زودو الأسعار حبتين بس كل شي يهون من أجل التطور
معا أن بعد التطور ارسلت بريد ممتاز الى مدينة الخرج ووصلت بعد ثلاث أيام وهم يقولون يأخذ بالكثير أربع وعشرين ساعه بس كل شي يهون كلها لعيون التطور

المهم نرجع لمحور حديثنا
فافتحت الصندوق الخاص بي
فوجدت كالعاده رسائل عاده ورسائل مسجله وطرد وحصلت معاها صندوق كرتون صغير وعليه شعار البريد السعودي الي استنبطته من الوهلة الأولى انها هدية من البريد السعودي فأغلقت الصندوق وانا فرح بها الهدية وقلت في نفسي والله البريد عنده تقدير لعملائه
رحت طاير على البيت أبغا أشوف وش هديتي
وفي الطريق اقول في نفسي وش الهديه ياعبدالله وشهي الهديه
مره أقول أشتراك مجاني لمدة سنه
ومره قلت قسائم شرائيه من البريد
ومرة قلت يمكن اني فزت عندهم بسياره هدية
فاوصلت للبيت وجمعت الأهل وقلت لهم تعالو غمضو عيونكم شوفو الهديه حقت البريد السعودي الرائعه
وأجتمعو وطفينا الأنوار وقلت لهم عدو من واحد الى ثلاثه
وفعلاً عدينا



1
2
3

وفتحنا الصندوق فكانت الفاجعه هي
حفائظ بامبرز
حفائظ بامبرز
تصدقون
حفائظ بامبرز
تحمطت امالي وتحطمت طموحي في البريد السعودي

وصلت المواصيل معاهم الهدايا حفائظ بامبرز
قالو لي هاذي حركة جديده من البريد السعودي عينات لكي تجربها
طيب ارسلو لنا عطر صابون شامبو اي مصيبه مالقيتو غير الحفائظ
يالله نرجع ونقول مالنا غير البريد السعودي الي ماله بديل مررره
وانا باروح بكره أشوف لي دكتور نفساني اتعالج عنده من الصدمه النفسية الي معاي
تفضلو الصور حقت العينه

[البرنس]

لا الحمد لله البريد السعودي في تطور 0 عندنا هنا في تبوك من زود الطناخه حتى على المقابر حاطين صناديق بريد 0

[هتون الغيم]

ههههههههههههههههههههههههه

[دنــدونــ]

اقول الحمد لله على العافيه

ياراجل اغسل يدك يازين الفديكس وطقتها هذي البريد المعتبر صح شركات لها اسمها ولها طريقة في التعامل اما البريد السعودي فحدث ولا حرج . ويا كم من مصايب جرها هالبريد ولا المشكلة الا يبون يشغلونه بالقوة بس على ايش على خدمة خايسه .
هي الشغله بالعافية . يعني اي واحد الحين يبي يقدم لوظيفة ولا يفتح لحساب ولا يقدم على اي شي لازم يكون عنده بريد ولا ما تنجز معاملته.
اللي يقهركـ حاطين هالشروط كلها وش بيجي فيها يعني ... بطاقة صراف ولا معاملة ولا ايش يعني

اي شي تبيه ما ياخذك منك سويعات الواحد ينتظرها وينجز مهمته ولا ينتظر البريد السعودي متى يرد عليه ويخلص اشغاله.
وانا ما اقول هالكلام من فراغ لان حصل معاي موقف الله لا يوريكم كنت ابي بطاقة صراف وقالوا لي تجيك على البريد تخيلوا كم اخذت وقت حتى وصلت في يدي

دقيقه _ ساعه - يوم - اسبوع - شهر .

والله قرابة الشهر ومالكم علي يمين .

لا واراجع البنك قال خلاص طلعت من عندنا روح شيك على البريد .
وكل يوم والثاني اروح اشيك واجي الاقي غبار زبدة الموضوع انها ما وصلت الا وانا كرهت ام البطاقه وكرهت ام الحساب وقلت لهم كبروها وبروزوها بالله وتصوروا جنبها .

أشكر طرحك لهالموضوع اخوي ابو يارا ..

[ابو يارا]

الله لا يهينكم الله لا يهينكم

[البتار]

المرة ذى جت سليمة شوف المرة الجاية وش بتكون الهدية!!!!!!!!!!!!!1111

[الزهراني]

هههههههههههههههههههههههههه

بس تصدق البريد السعودي حالول يتطور لكن الله المستعان الشعب كسر علية الصناديق تراني أقد ( واصل ) والله إذا نجح هذا المشروع أنه بكون شيء فضيع